La langue, blason d’Eustorg de Beaulieu, 1495-1552,

par Guy Rancourt le Ven 30 Oct - 23:30

La langue

O doulce langue, ô langue incoative
Du vray salut de lame estant captive,
Ains que la vierge yssue de Jessé
Eust proferé ce tant beau mot : Eccé.
O – doncques – langue, est il pas convenable
Que je te donne ung blason treslouable?
Veu le grand bien qu’est advenu à tous
Par ton parler, tant eloquent et doulx?
Langue qui scays bien reveler, ou taire
Ce qui est bon, ou ce qui est contraire,
Et que, logée au large en petit lieu,
Louenge, gloire et graces rendz à Dieu.
Langue qui peulx abatre la colere
Des plus cruelz que la terre tolere.
Langue tresprompte, en quoy congnoistre on peult
Si le cueur rit, ou sil se trouble et deult,
Comme embassade à faire la harengue
Au nom de luy qui est privé de langue.
Qui scays aussi toute chose nommer
Et discerner entre doulx, et amer,
Et - qui plus est – tu es toute propice
Pour enseigner où gist vertu, et vice
Et par toy, langue, on congnoist clerement
Du corps humain le vray gouvernement
Duquel tu es l’ung des plus petits membres,
Mais clef des huys de trestoutes les chambres
Ou le gouver a(s) bien droict te nommer
D’ung bateau, mys sur la mondaine mer.
Langue diserte, aornée et bien correcte,
Solide ung peu pour estre plus proprete
Et mesmement au sexe femenin
Dont le parler est plus doulx et begnin,
Plus savoureux et qu’aux gens plus agrée
Tant qu’on diroit que sa langue est succrée.
Langue par qui les maulx sont corrigez
Et consolez les paovres affligez.
Langue de celle où l’escript nous discerne
Qui convainquist le Tiram Holoferne
Et tel conseil donna au peuple Hebrieu
Qu’en le croyant il eust secours de Dieu.
Langue distincte, et à prescher agile
La foy de Crist, et son pur evangile.
Langue sans qui tout le reste du corps
Ne a jamais paix, ains languit en discordz.
Langue en parler froide, et de bonne grace
Cler resonnant et qui ses motz compasse,
Qui ne varie, et ne s’esgare point,
Ne se haste, ou crie, oultre que bien à point.
Langue eloquente et qui faict la femelle
- Tant layde soit – estre estimée belle,
Belle vous dys je en graces et vertus,
Dont toutes gens belles ne sont vestus.
O doncques langue amoureuse et gentille,
Langue asserée, asseurée, et subtille
Dont les plus forts et plus adventureux
Sont transpercez jusqu’à estre amoureux.
Langue metant la paix où est la guerre,
Langue domptant les plus fiers de la terre,
Et brefvement : o langue, o doulx soulas,
Pour te louer fault semondre Pallas
Et d’avantage, encor toutes les Muses
Veu les beaulx faictz où, quand te plaist, t’amuses.

(In Poètes du XVIe siècle, Paris, Gallimard (Pléïade), 1953)

par **LOU** le Sam 6 Mar - 2:48

On est tenté de se dire..."Mais où va-t-il chercher tout celà?
Je vois que tu es toujours bien présent...mais je fatigue et vais aller me coucherMerci à toi...Merci Ami!
LOU

par Lasource le Sam 6 Mar - 19:45

inchoative... Dur à lire en rouge sur gris pour certains ! A l'époque, le souci de l'orthographe n'était pas le premier, en poésie !

La langue, blason d’Eustorg de Beaulieu, 1495-1552,

La langue, blason d’Eustorg de Beaulieu, 1495-1552,

Re: La langue, blason d’Eustorg de Beaulieu, 1495-1552,

Re: La langue, blason d’Eustorg de Beaulieu, 1495-1552,